Útskrift svæðisleiðsögumanna á Suðurnesjum

Þann 4. júní síðastliðinn útskrifuðust við hátíðlega athöfn sextán svæðisleiðsögumenn frá Miðstöð símenntunar á Suðurnesjum.

Hafa nemendur stofnað með sér sjálfseignastofnun sem mun starfrækja vefsíðu með upplýsingum um svæðið.

Þar verður hver leiðsögumaður með eigið heimasvæði þar sem hann býður upp á ferðir og uppákomur með leiðsögn. Þar má nefna ferðir tengdar þjóðsögum á Reykjanesi, fuglaskoðunarferðir, skoðunarferðir um Keflavík og ferðir sniðnar að óskum.

Framkvæmdastjóri er Rannveig Garðarsdóttir leiðsögumaður og verkefnisstjóri Upplýsingamiðstöðvar Reykjaness.

Kom þetta fram á vefsíðu Reykjanesbæjar.