Utanvegaakstur stöðvaður

Lögreglan á Suðurnesjum var í gær með sérstakt eftirlit með akstri utan vega. Fjórir voru kærðir fyrir utanvegaakstur við Grindavík. Auk þess urðu lögreglumenn varir við nokkur torfæruhjól við Sandvík á Reykjanesi en ekki tókst að hafa hendur í hári þeirra sem þar voru á ferð.

Einn ökumaður var stöðvaður vegna meintrar ölvunar við akstur.

Mynd: Talsvert hefur verið um utanvegaakstur á Reykjanesi með tilheyrandi raski og náttúruspjöllum. Fjórir fá kæru vegna þessa eftir gærdaginn.