Utankjörfundur hafinn hjá Sýslumanni
- Einnig hægt að kjósa í Garði og Sandgerði
Utankjörfundaratkvæðagreiðsla vegna alþingiskosninganna sem fram eiga að fara 29. október 2016 er hafin hjá sýslumanninum á Suðurnesjum. Opið er alla virka daga á skrifstofum embættisins að Vatnsnesvegi 33, Reykjanesbæ frá klukkan 8:30 til 19:00 og Víkurbraut 25 í Grindavík frá klukkan 8:30 til 13:00 til að byrja með.
Vakin er athygli á þeirri nýbreytni að nú er einnig hægt að greiða atkvæði utan kjörfundar á opnunartíma á skrifstofu sveitarfélagsins Garðs og hjá Sandgerðisbæ.