Upplýsingaritið sumar í Reykjanesbæ komið út

Sumar í Reykjanesbæ 2005, upplýsingarit menningar-, íþrótta- og tómstundasviðs Reykjanesbæjar er komið út í fimmta sinn.
Ritinu er dreift inn á öll heimili í Reykjanesbæ og hefur það að geyma upplýsingar um tómstundatilboð og afþreyingu fyrir alla fjölskylduna í sumar.

Meðal nýjunga í ritinu eru fjölskyldukort í sund, kort af bænum með upplýsingum um þá staði þar sem námskeið eru haldin, krossgáta úr bæjarlífinu, fræðsla um leiki og margt fleira.

Áhersla er lögð á samveru fjölskyldunnar í sumar og ættu allir að geta fundið eitthvað við sitt hæfi.