Upplýsingafundur Almannavarna kl. 13 á laugardag
Upplýsingafundur Almannavarna verður haldinn kl. 13:00 á morgun, laugardaginn 18. nóvember, í Björgunarmiðstöðinni í Skógarhlíð.
Fundinum stýrir Víðir Reynisson, sviðsstjóri Almannavarna. Katrín Jakobsdóttir, forsætisráðherra fer á fundinum yfir stöðu mála eftir atburði síðustu viku í Grindavík.
Einnig verða á fundinum Fannar Jónasson, bæjarstjórinn í Grindavík og Kristín Jónsdóttir frá Veðurstofu Íslands.
Gert er ráð fyrir að fjölmiðlafólk geti spurt spurninga á fundinum sjálfum og tekið viðtöl eftir fund. Fundinum verður streymt á facebooksíðu Almannavarna.
