Unnu skemmdir á byggingarsvæði

Skemmdarverk voru unnin á byggingarsvæði Akurskóla í Reykjanesbæ í fyrrakvöld. Þar innandyra hafði lyftara verið ekið um og einhverjar skemmdur unnar á veggjum og byggingarstoðum.

Bifreið skemmdist nokkuð í umferðarslysi á Nesvegi við Reykjanesvita í gærkvöldi. Lögregla var kölluð á staðinn en ekki urðu slys á fólki.

Þá hafði lögregla afskipti af tveimur unglingum sem voru á reiðhjóli án þess að hafa hjálma á höfði.