Unnið allan sólarhringinn á vöktum

Hrognavinnsla stendur sem hæst í vinnslustöð Síldarvinnslunnar í Grindavík og er unnið  á vöktum allan sólarhringinn til að hafa undan. Loðnuskipin landa hvert á fætur öðru enda stutt á miðin nú þegar vestari endi loðnugöngunnar er komin fyrir Reykjanes. 

Loðnuveiðar ganga vel þrátt fyrir að loðnan sé nokkuð dreifð. Þá spillir  ekki fyrir að verð á loðnuafurðum er nú í hámarki.

Í Grindavík falla til um 200 af hrognum á sólarhring. Frystigetan er 110 tonn og hefur hluti verið sendur til frystingar í Neskaupsstað, skv. því sem fram kemur í mbl  í dag.

Mynd: Frá hrognavinnslunni í Grindavík í gær. Allt á fullu allan sólarhringinn og engu líkara en að menn séu hreinlega á hlaupum eins og þessi mynd ber með sér.

VF-mynd: elg