Unnið að hringtorgi á gatnamótum Faxabrautar og Hringbrautar
-Áætluð verklok eru um næstu mánaðarmót
Næstu daga og vikur verður unnið að gerð hringtorgs á gatnamótum Faxabrautar og Hringbrautar í Reykjanesbæ. Reynt verður eftir fremsta megni að hafa gatnamótin opin á morgnana vegna umferðar en að öðru leyti verða gatnamótin lokuð eftir þörfum á meðan framkvæmdum stendur.
Ökumenn eru beðnir um að virða þessar takmarkanir á umferð. Stefnt er að framkvæmdum verði lokið um mánaðarmót september/október.
