Ungmenni af Suðurnesjum í hassveislu í Hveragerði

Ungmenni af Suðurnesjum var meðal þrettán ungmenna sem handtekin voru í bílskúr í Hveragerði um helgina þar sem stóð yfir fíkniefnaveisla. Bæði hass og amfetamín fundust í bílskúrnum og efni fundust á fimm einstaklingum.Ekki munu hafa fundist efni á ungmenninu af Suðurnesjum og var því sleppt að lokinni skýrslutöku hjá lögreglunni á Selfossi.


Mynd af heimasíðu Hveragerðisbæjar.