Unglingadrykkja og neysla vímuefna meiri en margan grunar
Félags-og fjölskyldudeild Reykjanesbæjar hefur gert samning við
Foreldrahúsið-Vímulausa Æsku um að fá ráðgjafa til að koma til
Reykjanesbæjar annanhvern miðvikudag. Jórunn Magnúsdóttir forstoðukona og Þórdís Sigurðardóttir verkefnastjóri voru staddar í Reykjanesbæ nýlega og blaðamaður settist niður með þeim í aðstöðunni sem þær hafa í dagdvöl aldraðra að Suðurgötu 10-12.
Þær eru báðar mæður barna sem hafa lent í neyslu og eru því hér til að
aðstoða foreldra við að stíga fyrstu skrefin og vísa þeim áfram ef þörf er
á meðferð fyrir unglinginn og fjölskylduna. Þar er líka stödd móðir drengs
sem lenti í vímuefnavanda og hún hefur leitað aðstoðar foreldrahússins
síðustu tvö árin og segir hún þá aðstoð hafa verið ómetanlega fyrir sig og
sína fjölskyldu.
Hver er tilgangurinn með komu ykkar hingað til Reykjanesbæjar?
„Við erum hérna fyrir foreldra, þeir geta komið hingað og rætt við okkur
ef unglingarnir þeirra eru í neyslu eða ef þau grunar að þau sé í neyslu.
Við ræðum þessi mál við foreldranna og reynum að aðstoða þá eftir mætti, bendum þeim á hvert þeir geti farið ef neyslan er mikil og þörf á meðferð. En við erum fyrst og fremst komnar hingað á þetta svæði vegna þess að félagsþjónustaðn óskaði eftir samstarfi við okkur af því að það er vandi hérna sem allir þurfa að sameinast um að leysa og koma þeim til hjálpar sem þurfa á því að halda. Við viljum líka opna umræðuna og hvetja foreldra til að standa saman og skoða að börnin þeirra eru ekki í mjög vernduðu umhverfi, það er verið að selja vímuefni sem þau geta nálgast í bæjarfélaginu sínu. Eins hvetjum við foreldra til að standa saman varðandi útivistartímann og fylgist með því hvað börnin eirra eru að gera. Ef það hefur einhverntíman verið þörf á því að foreldrar standi saman þá er það núna í dag".
Eru þið með aðgang að úrræðum fyrir unglinga og foreldra?
„Við vísum foreldrum á þau úrræði sem til eru. En þegar þarf að sækja um vistun fyrir barn, eins og á Stuðlum, þá þarf það að fara í gegnum
félagsþjónustuna og barnarverndarnefnd á hverjum stað fyrir sig.
Eru foreldrar duglegir að koma og sækja aðstoð?
„Við höfum verið stutt hérna á Suðurnesjum en það hafa komið nokkrir
foreldrar og spjallað við okkur en við höldum að vandinn sé stærri en okkur hefur verið sýnt. Hér eru engar skráningar og skýrslur teknar foreldrar koma hingað á sínum forsendum við leiðbeinum þeim og aðstoðum. Hér ríkir fullur trúnaður".
Hvernig geta foreldrar séð að barn þeirra er farið að neyta vímuefna?
„Ef að unglingur breytir um hegðun fer að vea mikið af óútskýrðri reiði
eða uppákomum, ef unglingurinn fer að hafa mikið af leyndarmálum og fer að fara á bak við foreldra sína. Peningar fara að hverfa, eða önnur verðmæti, morgunslen erfitt að koma þeim í skólann og almennt áhugaleysi og deyfð. Eins eru kvartanir úr skóla eitt merki og breyttur félagsskapur. Við segjum alltaf að ef foreldra grunar að börnin þeirra séu komin í neyslu að fara þá strax af stað og leita hjálpar til að finna út úr því hvað það er sem er að. Við setjumst niður með foreldrunum og reynum að finna út hvað er í gangi. Við þekkjum þetta af eigin reynslu og það er oft mjög erfitt að stíga fyrsta skrefið en við hvetjum foreldra einmitt til þess að gera það. Þegar maður hefur tekið fyrsta skrefið er auðveldara að halda áfram".
Á hvaða aldri eru unglingarnir?
„Hingað koma foreldrar sem eiga börn á grunnskólaaldri og upp að tvítugu og jafnvel þar yfir, það er því breiður aldurshópur sem kemur hér inn. Enn sem komið er höfum við samt mest verið að hjálpa foreldrum yngri barna hérna í Reykjanesbæ".
Hvað er Foreldrahús?
„Þetta sem við erum að gera hérna er útibú frá Foreldrahúsinu Vímulausri
Æsku sem hefur verið rekið í Reykjavík í þrjú ár. Þar er opið alla daga frá
klukkan 9.00 til 16.00 og á þeim tíma geta foreldrar komið og rætt við aðra
foreldra sem þekkja af eigin raun hvað það er að eiga ungling í vímuefnaneyslu. Eins er foreldrasími 581-1799 sem er opinn allan
sólarhringinn allt árið og þar er eyra sem er tilbúið að hlusta og
leiðbeina og aðstoða".
Foreldrahúsið-Vímulausa Æsku um að fá ráðgjafa til að koma til
Reykjanesbæjar annanhvern miðvikudag. Jórunn Magnúsdóttir forstoðukona og Þórdís Sigurðardóttir verkefnastjóri voru staddar í Reykjanesbæ nýlega og blaðamaður settist niður með þeim í aðstöðunni sem þær hafa í dagdvöl aldraðra að Suðurgötu 10-12.
Þær eru báðar mæður barna sem hafa lent í neyslu og eru því hér til að
aðstoða foreldra við að stíga fyrstu skrefin og vísa þeim áfram ef þörf er
á meðferð fyrir unglinginn og fjölskylduna. Þar er líka stödd móðir drengs
sem lenti í vímuefnavanda og hún hefur leitað aðstoðar foreldrahússins
síðustu tvö árin og segir hún þá aðstoð hafa verið ómetanlega fyrir sig og
sína fjölskyldu.
Hver er tilgangurinn með komu ykkar hingað til Reykjanesbæjar?
„Við erum hérna fyrir foreldra, þeir geta komið hingað og rætt við okkur
ef unglingarnir þeirra eru í neyslu eða ef þau grunar að þau sé í neyslu.
Við ræðum þessi mál við foreldranna og reynum að aðstoða þá eftir mætti, bendum þeim á hvert þeir geti farið ef neyslan er mikil og þörf á meðferð. En við erum fyrst og fremst komnar hingað á þetta svæði vegna þess að félagsþjónustaðn óskaði eftir samstarfi við okkur af því að það er vandi hérna sem allir þurfa að sameinast um að leysa og koma þeim til hjálpar sem þurfa á því að halda. Við viljum líka opna umræðuna og hvetja foreldra til að standa saman og skoða að börnin þeirra eru ekki í mjög vernduðu umhverfi, það er verið að selja vímuefni sem þau geta nálgast í bæjarfélaginu sínu. Eins hvetjum við foreldra til að standa saman varðandi útivistartímann og fylgist með því hvað börnin eirra eru að gera. Ef það hefur einhverntíman verið þörf á því að foreldrar standi saman þá er það núna í dag".
Eru þið með aðgang að úrræðum fyrir unglinga og foreldra?
„Við vísum foreldrum á þau úrræði sem til eru. En þegar þarf að sækja um vistun fyrir barn, eins og á Stuðlum, þá þarf það að fara í gegnum
félagsþjónustuna og barnarverndarnefnd á hverjum stað fyrir sig.
Eru foreldrar duglegir að koma og sækja aðstoð?
„Við höfum verið stutt hérna á Suðurnesjum en það hafa komið nokkrir
foreldrar og spjallað við okkur en við höldum að vandinn sé stærri en okkur hefur verið sýnt. Hér eru engar skráningar og skýrslur teknar foreldrar koma hingað á sínum forsendum við leiðbeinum þeim og aðstoðum. Hér ríkir fullur trúnaður".
Hvernig geta foreldrar séð að barn þeirra er farið að neyta vímuefna?
„Ef að unglingur breytir um hegðun fer að vea mikið af óútskýrðri reiði
eða uppákomum, ef unglingurinn fer að hafa mikið af leyndarmálum og fer að fara á bak við foreldra sína. Peningar fara að hverfa, eða önnur verðmæti, morgunslen erfitt að koma þeim í skólann og almennt áhugaleysi og deyfð. Eins eru kvartanir úr skóla eitt merki og breyttur félagsskapur. Við segjum alltaf að ef foreldra grunar að börnin þeirra séu komin í neyslu að fara þá strax af stað og leita hjálpar til að finna út úr því hvað það er sem er að. Við setjumst niður með foreldrunum og reynum að finna út hvað er í gangi. Við þekkjum þetta af eigin reynslu og það er oft mjög erfitt að stíga fyrsta skrefið en við hvetjum foreldra einmitt til þess að gera það. Þegar maður hefur tekið fyrsta skrefið er auðveldara að halda áfram".
Á hvaða aldri eru unglingarnir?
„Hingað koma foreldrar sem eiga börn á grunnskólaaldri og upp að tvítugu og jafnvel þar yfir, það er því breiður aldurshópur sem kemur hér inn. Enn sem komið er höfum við samt mest verið að hjálpa foreldrum yngri barna hérna í Reykjanesbæ".
Hvað er Foreldrahús?
„Þetta sem við erum að gera hérna er útibú frá Foreldrahúsinu Vímulausri
Æsku sem hefur verið rekið í Reykjavík í þrjú ár. Þar er opið alla daga frá
klukkan 9.00 til 16.00 og á þeim tíma geta foreldrar komið og rætt við aðra
foreldra sem þekkja af eigin raun hvað það er að eiga ungling í vímuefnaneyslu. Eins er foreldrasími 581-1799 sem er opinn allan
sólarhringinn allt árið og þar er eyra sem er tilbúið að hlusta og
leiðbeina og aðstoða".
