Ungir ökumenn
Lögreglan í Keflavík fékk tilkynningu um akstur númerslausrar bifreiðar um kl. 17 sl. sunnudag sunnan við golfvöllinn í Leiru. Lögreglumenn fóru á staðinn og komu að bifreiðinni kyrrstæðri. Í grennd við bifreiðina voru tveir ungir piltar, 12 og 14 ára, sem viðurkenndu að hafa tekið bílinn ófrjálsri hendi við bifreiðaverkstæði í Grófinni og farið í stutta ökuferð.
