Ung stúlka hjólaði á akandi bifreið í Vogum

6 ára stúlka sem var að hjóla niður Stapaveg í Vogum missti stjórn á hjóli sínu með þeim afleiðingum að hún lenti á hlið bifreiðar sem var á ferð niður Stapaveginn á laugardagskvöld. Stúlkan slapp ómeidd eftir áreksturinn en bifreiðin skemmdist lítillega.Þá var tveimur stúlkum vísað útaf skemmtistað í Reykjanesbæ á laugardagskvöld, en þær voru báðar undir lögaldri og voru lítilsháttar undir áhrifum áfengis. Það var útideild Reykjanesbæjar sem gekk um skemmtistaði ásamt lögreglu um helgina og var stíft eftirlit með aldurstakmörkunum.