Umferðaröryggisþing í Reykjanesbæ

Fimmtudaginn 15. apríl verður fyrsta Umferðaröryggisþing Reykjanesbæjar haldið í bíósal DUUS húsa kl. 17.

Á þinginu verða starfsmenn Umhverfis- og skipulagssviðs og aðrir fagaðilar ásamt íbúum bæjarins. Tilgangurinn er að setjast saman til skrafs og ráðagerða og benda á hættur sem fyrirfinnast í bænum. Foreldrafélögin, lögregla, vegagerð, slökkvilið og ökukennarar vinna í samstarfi við Reykjanesbæ og Umferðarstofu að gerð Umferðaröryggisáætlunnar í Reykjanesbæ. Umferðaröryggisþingið er liður í áætluninni.

Í tilkynningu segur að mjög mikilvægt sé að fá foreldra grunnskólabarna með í þessa vinnu til að benda á hættumerkin í sínu nærumhverfi.

Koma má ábendingum um bætt umferðaröryggi á framfæri með því að senda tölvupóst á netfangið [email protected].