Umferðaróhöpp í hálkunni

Ökumaður missti stjórn á bifreið sinni á Reykjanesbraut rétt austan við Vogaafleggjara um kvöldmatarleytið í gær og hafnaði á ljósastaur. Enginn slasaðist við óhappið en staurinn brotnaði og bifreiðin var óökufær. Hálku mun hafa verið um að kenna.
Á tíunda tímanum í gærkvöld  varð umferðaróhapp á Sandgerðisvegi á móts við Rockville.  Þar var bifreið ekið í veg fyrir aðra bifreið, sem ekið var eftir Sandgerðisveginum.  Ökumaður þeirrar bifreiðar beygði frá til að forðast árekstur en hafnaði þess í stað á umferðarskiltum sem uppi eru við gatnamótin að Rockville.  Bifreiðin skemmdist nokkuð við óhappið.