Umferð frá Leifsstöð beint inn í Reykjanesbæ

Umferð frá Flugstöð Leifs Eiríkssonar verður beint um Reykjanesbæ í dag samkvæmt upplýsingum frá Vegagerðinni. Malbikun stendur yfir á Reykjanesbraut frá afleggjaranum við Hafnir og upp fyrir Grænás.

Malbikun vegarkaflans stendur til hádegis á morgun og þurfa ökumenn því að notast við hjáleiðina sem liggur í gegnum Reykjanesbæ á meðan.