Umfangsmikil skipulagsmál í Grindavík

Opinn kynningarfundur um skipulagsmál í Grindavíkurbæ var haldinn fyrir helgi í  Kvikunni. Á fundinum var farið yfir aðalskipulagsbreytingar sem eru í vinnslu og tillögur að deiliskipulagi auk þess sem HS-Orka kynnti mat á umhverfisáhrifum framkvæmda í Eldvörpum.

Fundurinn tókst í alla staði mjög vel, segir á vef Grindavíkurbæjar. Um 20 manns mættu og voru fundargestir mun upplýstari um skipulagsmál bæjarins en þar er af nægu að taka og mörg spennandi verkefni framundan.