Um helmingur túnfiskkvótans veiddur

Áhöfn línuskipsins Jóhönnu Gísladóttur GK frá Grindavík hefur veitt um helming túnfiskkvótans þetta árið. Fimmtán tonn af túnfiski eru komin á land nú í ágúst en kvótinn er 32 tonn.

Fikarnir sem Jóhanna Gísladóttir GK hefur veitt suður af landinu eru orðnir 92 talsins en þeir eru sendir með flugi á markað erlendis. Flestir fara þeir til Japan og eru seldir á stærsta fiskmarkaði Japans til sushi-veitingahúsa fyrir um 10.000 krónur kílóið.

Hér að neðan er innslag úr Sjónvarpi Víkurfrétta frá því í síðustu viku þegar fjallað var um upphaf veiðanna.