Tvöföldun Reykjanesbrautar boðin út eftir áramót

Vel á annan tug starfsmanna verktakafyrirtækisins Jarðvéla veit ekki hvort þeir séu búnir að missa vinnuna nú rétt fyrir jólin. Margir þeirra hafa ekki enn fengið full laun yfir síðasta mánuð. Kaupleigufyrirtæki hafa tekið vinnuvélar af fyrirtækinu. Það tilkynnti í morgun að það gæfi frá sér tvöföldun Reykjanesbrautar.

Halldór Jónsson er flutningabílstjóri hjá Jarðvélum. Á aðventunni hefur hann ásamt öðrum starfsmönnum Jarðvéla staðið í því að skila vinnuvélunum inn í port hjá kaupleigufyrirtækjum. Hann segir að um 15 manns hafi enn starfað hjá fyrirtækinu síðast þegar hann vissi.

Upplýsingafulltrúi Vegagerðarinnar, G. Pétur Matthíasson, segir að tvöföldun Reykjanesbrautar sem Jarðvélar unnu að verði boðin út eftir áramót.

www.ruv.is