Tvö umferðaróhöpp á sama stað á sama tíma

Um klukkan sjö í morgun urðu tvö umferðaróhöpp á Reykjanesbrautinni á mislægu gatnamótunum við Vogaveg.  Þar fór i bifreið utan í vegrið eftir að ökumaður hafði misst stjórn á bifreiðinni í krapa.
Hinni bifreiðinni var ekið yfir vegriðið á brúnni og steyptist bifreiðin niður á akbrautina fyrir neðan.  Ökumaður var fluttur með sjúkrabifreið á Heilbrigðisstofnun Suðurnesja til skoðunar.  Bifreiðin var mikið skemmd eftir óhappið og var flutt af vettvangi með kranabifreið.

Einn ökumaður var tekinn fyrir of hraðan akstur á Grindavíkurveginum í dag.  Hann mældist á 113 km/klst. þar sem hámarkshraðinn er 90 km/klst.