Tvö með fíkniefni

Lögreglan á Suðurnesjum handtók tvo einstaklinga með fíkniefni í fórum sínum um helgina. Rúmlega tvítugur karlmaður var handtekinn eftir að umtalsvert magn af amfetamíni og kannabisefnum fundust við húsleit á heimili hans.

Þá var stúlka innan við tvítugt handtekin, en hún reyndist vera með kannabisefni í úlpuvasa sínum. Við leit á lögreglustöð fannst svo amfetamín, sem hún hafði falið í brjóstahaldara sínum.

Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.