Tvö kíló af hassi í Leifsstöð

Íslendingur var handtekinn við tollskoðun á Keflavíkurflugvelli í fyrradag með tvö kíló af hassi. Maðurinn, sem er um tvítugt, var að koma frá Kaupmannahöfn og var hann með hassið í farangri sínum, samkvæmt upplýsingum frá Tollgæslunni á Keflavíkurflugvelli.Fíkniefnalögreglan yfirheyrði manninn í gær og var honum sleppt að yfirheyrslu lokinni. Talið er að hægt hefði verið að selja hassið fyrir um þrjár milljónir króna á fíkniefnamarkaðinum.