Tvö fíkniefnamál um helgina

Tvö fíkniefnamál komu til kasta lögreglunnar á Suðurnesjum á aðfararnótt sunnudags. Í öðru tilvikinu var ökumaður bifreiðar tekinn við akstur undir áhrifum, en í hinu tilvikinu var maður tekinn með töluvert magn af efnum á sér í miðbæ Reykjanesbæjar, en lögreglan hafði haft afskipti af honum vegna óspekta.

Sömu nótt var einn ökumaður tekinn fyrir ölvun við akstur og annar tekinn fyrir ólæti og ölvun í Grindavík, en sá veittist m.a. að lögreglumanni í æsingnum.

Mynd úr safni VF