Tvisvar brotist inn í sama bátinn í Sandgerði

Brotist var inn í bát við Sandgerðishöfn í nótt. Höfðu þjófarnir á brott með sér örvandi lyf úr lyfjakassa sem staðsettur var í skipstjórnarklefanum. Þetta er í annað sinn sem brotist er inn í sama bátinn en fyrra skiptið var aðfaranótt fimmtudagsins. Engu var stolið í það skiptið. Að sögn lögreglunnar er talið að um sömu aðila sé að ræða þar sem sömu aðferðum var beitt til að komast inn í bátinn. Farið var inn um lúgu að aftanverðu og hengilás á hurð sem leiðir inn í skipið sjálft spenntur upp. Málið er í rannsókn að sögn Vísis.is.