Tveir útaf á Reykjanesbraut

Tveir bílar fóru út af á Reykjanesbraut í gærkvöldi, annar um klukkan níu og hinn klukkan hálf 11. Í síðara tilvikinu var ung stúlka flutt á sjúkrahús vegna meiðsla. Báðir bílarnir eru nokkuð skemmdir.

Afar hált var á Reykjanesbraut í gærkvöldi og að sögn lögreglunnar á Suðurnesjum er enn nokkuð hált þar og eru vegfarendur hvattir til að fara varlega, sérstaklega nú í morgunsárið.