Tveir stöðvaðir í samfloti á 125 km. hraða

Í gærdag voru sex ökumenn kærðir fyrir hraðakstur í umdæmi lögreglunnar í Keflavík.  Þeir sem hraðast fóru voru í samfloti á Grindavíkurvegi.  Mældur hraði á þeim var 125 km þar sem hámarkshraði er 90 km.   Afskipti voru höfð af 8 börnum yngri en 15 ára sem voru hjálmlaus við hjólreiðar.  Eitt umferðaróhapp var tilkynnt til lögreglu.  Einn ökumaður var stöðvaður þar sem hann var að aka sviptur ökuleyfi.