Tveir með fíkniefni á Keflavíkurflugvelli
Ferðalangar sem reyndu að smygla inn umtalsverðu magni af örvandi efnum á mánudag sitja nú í gæsluvarðhaldi, samkvæmt upplýsingum Fréttablaðsins. Þeir voru stöðvaðir á Keflavíkurflugvelli við komuna til landsins þar sem efnin fundust í fórum þeirra.
Lögreglan verst allra frétta þar sem rannsókn sé á frumstigi og vill hvorki tjá sig um tegund né magn efnanna né fjölda þeirra einstaklinga sem sitja inni.
