Tveimur mönnum bjargað úr bíl í sjó við Keflavíkurhöfn

Tveimur mönnum var rétt í þessu bjargað úr bíl sem var umflotinn sjó við Keflavíkurhöfn. Mikill sjógangur er núna við höfnina og hefur myndast lón við gömlu saltgeymsluna við höfnina. Bílnum var ekið út í lónið og þar sátu mennirnir fastir umflotnir sjó þar til björgunarlið kom þeim til hjálpar.

Mennirnir munu vera óslasaðir en blautir og kaldir.

Myndirnar voru teknar á vettvangi við höfnina nú áðan. VF-myndir: Hilmar Bragi