Tvær herþotur þurftu að neyðarlenda í Keflavík

Flugslysaáætlun fyrir Keflavíkurflugvöll var virkjuð tvisvar á óvissustigi í vikunni. Í öðru tilvikinu var um að ræða flugvél, með tveimur mönnum innan borðs, sem þurfti að lenda þar sem komið hafði upp eldsneytisleki í henni.  Vélinni var lent heilu og höldnu.

Í hinu tilvikinu komu tvær F-15 orrustuþotur inn til lendingar. Einn maður var um borð í hvorri vél og áttu þeir í vandræðum með siglingartæki vélanna. Lending beggja heppnaðist vel.