Tvær alvarlegar líkamsárásir í Reykjanesbæ

Tvær líkamsáráris voru tilkynntar til lögreglunnar á Suðurnesjum um helgina en báðar áttu þær sér stað í Reykjanesbæ. Aðfararnótt sunnudags átti sér stað alvarleg líkamsárás fyrir utan skemmtistaðinn Center við Hafnargötu. Þar réðst maður að öðrum með þeim afleiðingum að fórnarlambið lá í jörðinni óvígur á eftir. Samkvæmt upplýsingum frá lögreglu var árásaraðilinn handtekinn og hann yfirheyrður. 

Önnur líkamsárás átti sér svo stað í heimahúsi þar sem þolandinn þurfti að leita sér læknisaðstoðar vegna höfuðáverka. Lögregla lítur málið alvarlegum augum en árásamaður var handtekinn og yfirheyrður.