Tuttugu og tvær sænskar ljósmæður vilja til Keflavíkur

Tuttugu og tvær sænskar ljósmæður hafa sótt um starf á Heilbrigðisstofnun Suðurnesja í sumar í kjölfar auglýsingar stofnunarinnar í sænsku fréttablaði ljósmæðra.Konráð Lúðvíksson yfirlæknir sagðist í samtali við Víkurfréttir ánægður með viðbrögðin að utan. Gripið hafi verið til þessa ráðs til að koma í veg fyrir að loka þyrfti fæðingardeildinni í sumar vegna sumarleyfa. Fyrsta sænska ljósmóðirin kemur til Íslands nú í lok mánaðarins.