Bláa Lónið - 01apíl.
Bláa Lónið - 01apíl.

Fréttir

Tuttugu og þrír sóttu um hæli í gær
Flugstöð Leifs Eiríkssonar. VF-mynd: Hilmar Bragi
Mánudagur 26. september 2016 kl. 09:33

Tuttugu og þrír sóttu um hæli í gær

Tuttugu og þrír einstaklingar sóttu um hæli á Íslandi við komuna til Keflavíkurflugvallar í gær. Þetta staðfestir Gunnar Schram, yfirlögregluþjónn hjá lögreglunni á Suðurnesjum. Um var að ræða fimm fjölskyldur og einn einstakling. Aldrei áður hafa jafn margir sótt um hæli á Íslandi á einum degi.

Gunnar segir að fólkið komi frá Makedóníu og Albaníu og hafi komið hingað í gegnum Búdapest í Ungverjalandi. Móttökumiðstöð hælisleitenda tók við fólkinu í gærkvöldi.

Gunnar Schram segir í samtali við Víkurfréttir að miklar annir hafi verið síðustu daga vegna hælisleitenda og stefni í að þeir verði 700 á árinu með sama áframhaldi en í fyrra voru hælisleitendur 350 allt árið. Þeirri tölu var náð núna í ágúst.

Fjölga þarf starfsmönnum hjá lögreglustjóranum á Suðurnesjum í flugstöðinni til að takast á við aukin verkefni og sagði Gunnar að óskað hafi verið eftir fjölgun starfa til að bregðast við ástandinu.

Public deli
Public deli