Tuttugu eignir skiptu um eigendur

Fjöldi þinglýstra kaupsamninga á Suðurnesjum 19. október til og með 25. október 2018 var 20.  Þar af voru 7 samningar um eignir í fjölbýli og 13 samningar um sérbýli. Heildarveltan var 839 milljónir króna og meðalupphæð á samning 42 milljónir króna. Þetta kemur fram í upplýsingum frá Þjóðskrá Íslands um veltu á markaði.

 

Vakin er athygli á að meðalupphæð kaupsamnings er ekki hægt að túlka sem meðalverð eigna og þar með sem vísbendingu um verðþróun. Þetta er vegna þess að hver kaupsamningur getur verið um fleiri en eina eign auk þess sem eignir eru misstórar, misgamlar o.s.frv.