Tólf útköll á tæpum sex klukkustundum

Mikið annríki hefur verið hjá sjúkraflutningamönnum Brunavarna Suðurnesja í dag. Frá því kl. 09:30 í  morgun hafa komið tólf útköll til Brunavarna Suðurnesja.

Að sögn Jóns Guðlaugssonar, slökkviliðsstjóra Brunavarna Suðurnesja, hafa níu útköll verið á sjúkrabíla og þrjú á slökkvilið.

„Það hefur verið mikið álag á okkar mönnum í dag,“ segir Jón en mörg útkallanna hafa verið tímafrek.