Tjaldsvæðið í Sandgerði vel sótt

Það hefur verið góð aðsókn að tjaldsvæðinu í Sandgerði í sumar og þegar mest hefur verið hafa gestir frá níu þjóðlöndum verið á svæðinu, að sögn Reynis Sveinssonar hjá Sandgerðisbæ.

Algengt er að ferðamenn komi á tjaldsvæðið í Sandgerði í upphafi eða lok ferðar sinnar um Ísland. Svæðið er opið frá 1. apríl til 30. september og er um mikið af ferðamönnum að nýta sér tjaldsvæðið í Sandgerði. Allir gestir hafa hrósað tjaldsvæðinu og hinu glæsilega þjónustuhúsi en þar eru sturtur, þvottavél, þurrkarar, salerni og góð aðstaða fyrir alla gesti, m.a. er gott aðgengi fyrir gesti í hjólastólum. Einnig er góð aðstaða til að losa og þrífa salernistanka  í húsbílum.

Á Sandgerðisdögum verður allt fullt af fólki og lífi en þá hefur túnið verið notað norðan við Safnaðarheimilið til að koma öllum fyrir.