Tjaldsvæði Grindavíkurbæjar hlýtur gæðaviðurkenningu TripAdvisor

Tjaldstæðið í Grindavík hefur hlotið gæðaviðurkenningu Trip Advisor fyrir árið 2017, eða „Certificate of excellence.“ Þessa viðurkenningu geta aðilar á TripAdvisor fengið sem fá ítrekað góða dóma frá gestum og halda stöðugt uppi góðri þjónustu.

Tjaldsvæði Grindavíkur hefur hlotið mjög góða dóma frá gestum og er með 4,5 stjörnur af 5 mögulegum á TripAdvisor, 4,5 á Google Maps og fullt hús stiga, 5 stjörnur, á Facebook. Það er því nokkuð ljóst að gestum líkar vel við tjaldsvæðið Grindavíkurbæjar og endurspeglar mikil fjölgun gesta og gistinátta frá ári til árs þessa stjörnugjöf.