Tímarit Víkurfrétta á sölustaði í kvöld

Tímarit Víkurfrétta er komið úr prentun og starfsmenn Víkurfrétta eru nú að dreifa blaðinu á blaðsölustaði. Blaðsölustaðir í Reykjanesbæ fá blaðið fyrst en sölustaðir í nágrannasveitarfélögum Reykjanesbæjar fá blaðið síðar í kvöld eða strax í fyrramálið.Tímarit Víkurfrétta er 64 síður og er troðfullt af fjölbreyttu lesefni og fjölmörgum litskrúðugum ljósmyndum.

Tímarit Víkurfrétta inniheldur m.a. ljósmyndir af öllum þátttakendum í Fegurðarsamkeppni Suðurnesja 2003 á kvöldkjólum.

Lífsreynsluviðtöl eru einnig í blaðinu en í TVF eru viðtöl við þá Einar Magnússon skipsstjóra, Gunnar Magnússon og Árna Vikarsson um Bergþórsslysið en í ár eru 15 ár síðan Bergþór KE fórst út af Garðskaga.

Fjölmörg önnur viðtöl er að finna í blaðinu, m.a. við ungt Suðurnesjafólk sem hefur verið á heimshornaflakki, m.a. í Guademala, Ítalíu og Noregi.

Mannlífið er fjölbreytt. Myndir frá Góugleði og fjölmörgum árshátíðum er að finna í blaðinu. Myndir frá árshátíðum skólanna eru í TVF, fjölbrautaskólanemar eru fjölmennir á síðum blaðsins og lengi mætti telja upp.

Blaðið kostar 459 kr. m/vsk.