Tímabókanir í rannsókn á HSS
- Breytt fyrirkomulag hjá Heilbrigðisstofnun Suðurnesja frá 1.júlí nk.
Fyrirkomulag rannsókna á HSS mun breytast frá og með 1. júlí næstkomandi þegar farið verður að bjóða upp á tímabókanir fyrir blóðsýnatökur á rannsóknastofu.
Sýnatökur eftir bókunum hefjast svo 11. júlí.
Bókað verður í tíma frá kl. 08:00 til 11:00. Þeir sem eiga að vera fastandi fyrir prufur bókast milli kl 08:00 og og 09:00 og fólk í blóðþynningarmælingu milli kl 10:00 og 11:00.
Móttaka annarra sýna verður eins og verið hefur. Móttökuritarar taka niður tímapantanir í síma 422-0500 á milli kl 8:00 og 16:00 virka daga.
