Tilraun til íkveikju í 88 húsinu

Eldur var kveiktur við 88 húsið við Hafnargötu í Keflavík nú á áttunda tímanum. Eldurinn logaði í porti undir trépalli en það var vegfarandi sem réðst til atlögu gegn eldinum með handslökkvitæki.

 

Slökkvilið Brunavarna Suðurnesja kom svo á vettvang og slökkti í glæðum.

 

Kveikt hafði verið í eldfimum efnum í portinu. Lögreglan á Suðurnesjum fer með rannsókn málsins.

 

Myndirnar með fréttinni tók Hilmar Bragi en þær sýna lögreglu og slökkvilið á vettvangi og einnig reykjarmökk á vettvangi áður en slökkviliðið kom á staðinn.