Tíðinda að vænta á atvinnumálafundi í Garði?

Fundur um atvinnumál hefur verið boðaður í dag kl. 18 á veitingastaðnum Tveimur vitum á Garðskaga. Á fundinn mæta Kristján Möller, formaður nýrrar atvinnumálanefndar Alþingis og þá verður Oddný G. Harðardóttir, þingmaður kjördæmisins, einnig gestur fundarins.

Samtök atvinnurekenda á Reykjanesi hafa hvatt félagsmenn sína til að mæta til fundarins og þá er búist við fulltrúum Samtaka atvinnulífsins. Samkvæmt heimildum Víkurfrétta er jafnvel að vænta nýrra tíðinda í atvinnumálum á fundinum.