Langbest þakkargj
Langbest þakkargj

Fréttir

Þúsund heiðlóur í hóp á Garðskaga
Fimmtudagur 9. apríl 2026 kl. 09:25

Þúsund heiðlóur í hóp á Garðskaga

Lóan er komin að kveða burt snjóinn, er sungið á þessum árstíma. Og lóan er mætt til landsins í stórum hópum. Vart varð við fyrstu heiðlóurnar á Garðskaga um páskana og í gær sást til hennar í stórum hópum.

Talið er að um eitt þúsund heiðlóur hafi verið í hópi fugla sem lenti á túni við Garðskaga í gærdag. „Himininn var svartur af fugli,“ sagði fuglaáhugamaður í samtali við Víkurfréttir.

Nýsprautun vetrardekk
Nýsprautun vetrardekk

Það er ekki bara lóan sem er í stórum hópum. Glöggir hafa tekið eftir stórum flekkjum af fuglum í Garðsjónum síðustu daga. Þar er æðarfugl að éta loðnuhrat, loðnu sem búin er að hrygna.

Ýmsir aðrir fuglar hafa einnig sýnt sig. Tjaldurinn er mættur á svæðið og þá heyrðist í hrossagauki í gær.

Vorið og sumarið eru handan við hornið!

Myndina af lóunni með þessari frétt tók Guðmundur Hjörtur Falk og gaf okkur góðfúslegt leyfi til að birta.

HSS bólusetning 1100
HSS bólusetning 1100