Þuríður Halldórsdóttir með mestan afla
Að sögn Sverris Vilbergssonar, hafnarstjóra í Grindavík, var heldur rólegt við höfnina mestalla síðustu viku og komu 330 tonn á land. „Aflinn var aðallega af togskipum og línubátum. Þuríður Halldórsdóttir með mestan afla, eða rúmlega 75 tonn í einni veiðiferð. Línubáturinn Skarfur kom mest með 56 tonn“, segir Sverrir en þess má geta að Páll Jónsson fór út nú um helgina í fyrstu veiðiferð sína sem línuskip.
