Þrumuveður í Keflavík í morgun

Klukkan 6 var suðvestanátt, víða 8-13 m/s og skúrir sunnan- og vestantil. Í Keflavík var þrumuveður. Hiti 2 til 10 stig, hlýjast A-lands.

Yfirlit
Við strönd Grænlands V af Vestfjörðum er 960 mb lægð sem mun þokast ANA og grynnast í dag. Yfir Bretlandseyjum er 1042 mb hæð.

Veðurhorfur á landinu ásamt viðvörun !
Veðurhorfur til kl. 18 á morgun: Viðvörun: Búist er við stormi víða um land. Spá: Suðvestan 10-18 m/s og skúrir eða él, en þurrt A-lands. Hvessir í dag, suðvestan 18-23 vestantil síðdegis og síðar einnig á austanverðu landinu. Kólnandi, hiti í kringum frostmark í kvöld. Lægir í nótt og fyrramálið, en gengur í allhvassa suðaustanátt með slyddu S- og V-lands síðdegis á morgun.

Veðurhorfur við Faxaflóa næsta sólarhringinn:
Vaxandi suðvestanátt og él, 18-23 m/s síðdegis. Kólnandi, hiti nálægt frostmarki í kvöld. Mun hægari og úrkomulítið á morgun, en allhvöss suðaustanátt með rigningu eða slyddu síðdegis.