Þrjú fíkniefnamál í gærkvöldi

Þrjú tilvik komu upp hjá lögreglunni í Keflavík í gærkvöldi þar sem fíkniefni komu við sögu.

Kl. 21:30 stöðvaði lögreglan ökumann bifreiðar vegna gruns um að hann hafi verið undir áhrifum áfengis og lyfja.

Kl. 22:12 var ökumaður bifreiðar stöðvaður í Njarðvík vegna gruns um fíkniefnamisferli.  Við leit á ökumanni bifreiðarinnar fannst eitt gramm af amfetamíni.

Kl. 22:49 fundust sex grömm af hassi við leit í húsnæði í Njarðvík.  Þá fundust einnig munir tengdir fíkniefnum. Teljast tvö síðari málin upplýst.