Þrettándagleði í Grindavík frestað til morguns

Þrettándagleðinni í Grindavík hefur verið frestað til morguns vegna veðurs.

Hátíðin annað kvöld hefst með því að allir krakkar, púkar og tröll koma í Kvennó Kl 17:00 og fá andlitsmálun

Klukkan 20 safnast bæjarbúar saman við Kvennó og ganga fylktu liði í blysför upp Víkurbraut niður Ránargötu og að Saltfisksetrinu. Álfakóngur álfadrottning og ýmsar vættir og tröll ásamt jólasveinum leiða gönguna.

Fólk er beðið að taka tillit til hesta og annara dýra sem verða með í för og gæta varúðar með skotelda og blys.

Dagskrá við setrið :
Bæjarstjóri flytur ávarp, Samkór Grindavíkur syngur ásamt Álfakóngi og Álfadrottningu að ógleymdum jólasveinum, tröllum og álfum

Í lok dagskrár verður glæsileg flugeldasýning í boði Grindavíkurbæjar.