Þrettándafagnaði frestað til morguns í Reykjanesbæ

Þrettándafagnaði Reykjanesbæinga, sem vera átti í kvöld við Iðavelli, hefur verið frestað til morguns.

Dagskráin á morgun hefst í Reykjaneshöll kl. 16:30 - 17:30 þar sem boðið verður upp á andlitsmálun, heitt kakó og leiktæki.

Skrúðganga fer frá Reykjaneshöll að Iðavöllum kl. 17:30. Á Iðavöllum verður kveikt á þrettándabrennu og boðið upp á tónlist og söng.

Álfakóngur og drottning mæta á staðinn ásamt Grýlu, Leppalúða, Jólasveinum og ýmsum púkum.

Flugeldasýning á vegum Björgunarsveitarinnar Suðurnes hefst kl. 18:20.

Flugvallarvegur verður lokaður á milli Sunnubrautar og upp á Reykjanesbraut ofan Iðavalla á milli kl. 17:30 og 19:00.

Minnt er á bílastæði við Fjölbrautaskólann, íþróttahúsið við Sunnubraut og Samkaup.