Þórkötlustaðarhverfi verður verndarsvæði í byggð

Í águst 2016 ákvað Grindavíkurbær að sækja um styrk til að vinna að tillögu að verndaráætlun í byggð fyrir Þórkötlustaðahverfi í Grindavík. Á haustmánuðum sama árs veitti Minjastofnun Íslands sveitarfélaginu styrk til að vinna að tillögunni.

 

Markmið með tillögunni er að gera Þórkötlustaðahverfi að sérstöku verndarsvæði til að viðhalda og styrkja byggð í hverfinu með þeim hætti að söguleg arfleifð staðarins fái að njóta sín og gildi hennar haldið á lofti gagnvart heimamönnum jafn sem ferðamönnum og ekki síst komandi kynslóðum.

 

EFLA verkfræðistofa ásamt Fornleifastofnun Íslands hafa nú unnið í sameiningu að tillögu að verndaráætlun sem leggur til að Þórkötlustaðahverfi verði gert að verndarsvæði í byggð skv. lögum nr. 87/2015 og reglugerð 575/2016. 

 

Bæjarstjórn Grindavíkur hefur samþykkt samhljóða framlagða verndaráætlun fyrir Þórkötlustaðarhverfi í Grindavík.