Þorbjörn Fiskanes hf. sameinar netaverkstæði sitt við Veiðarfæraþjónustuna ehf

Stjórn Þorbjarnar Fiskaness hf. hefur ákveðið að sameina netaverkstæði fyrirtækisins við Veiðarfæraþjónustuna ehf. í Grindavík samkvæmt tilkynningu frá Verðbréfaþingi Íslands.
Sameining þessi tekur gildi frá 1. janúar s.l. og hefur Veiðarfæraþjónustan ehf. tekið við öllum rekstri netaverkstæðis Þorbjarnar Fiskaness hf.

Eignarhlutföll eftir samrunann eru eftirfarandi:
Sverrir Þorgeirsson Glæsivöllum 13, 240 Grindavík 250.000 kr.
Hörður Jónsson Sólvöllum 8, 240 Grindavík 250.000 kr.
Þorbjörn Fiskanes hf. Hafnargötu 12, 240 Grindavík 1.500.000 kr.
Samtals hlutafé: 2.000.000 kr.

Áhrif þessa á eignarstöðu og rekstur Þorbjarnar Fiskaness hf. er óverulegur .
Markmið sameiningarinnar er hins vegar að veita alhliða veiðarfæraþjónustu til óskildra aðila sem og skipa félagsins ásamt því að auka umsvif í sölu á veiðarfærum og þjónustu þeim tengdum.