Þingmenn Suðurkjördæmis í heimsókn
Að beiðni sjávarútvegs- og landbúnaðarráðherra Sigurðar Inga Jóhannssonar, sem jafnframt er fyrsti þingmaður Suðurkjördæmis var boðað til fundar með sveitarstjórnarmönnum á Suðurnesjum og þingmönnum kjördæmisins í kjördæmaviku sem nú er nýafstaðin. Fundurinn var haldinn í Gjánni í Grindavík.
Sveitarstjórnarmennirnir héldu þingmönnunum sannarlega á tánum enda mörg brýn málefni sem brenna á heimamönnum þrátt fyrir uppgang á svæðinu síðustu misseri. Líflegar og góðar umræður sköpuðust á fundinum og fóru þingmennirnir vafalaust heim með þéttskrifaðar glósur og punkta, segir á grindavik.is.
Hér eru Róbert Ragnarsson bæjarstjóri í Grindavík og Ásgeir Eiríksson bæjarstjóri í Vogum með fyrirspurnir til þingmanna.
