Þéttur snjókomubakki á leið til Keflavíkur

Greinilegur snjókomubakki sést á ratsjánni kl. 12:35. Vindáttin í 1.000 til 3.000 m hæð er suðaustan. Bakkinn stefnir því á Suðurnes og fer líklega vaxandi, segir Einar Sveinbjörnsson, veðurfræðingur hjá Blika.is, í færslu á fésbókinni.

Hann segir að þétt snjókoma verði Keflvík og þar í grennd frá kl. 14-15 og sennilega 13-16 m/s vindur með og talsvert blint. Þá segir hann að það taki snjókomubakkann um þrjár til fjórar klukkustundir að ganga yfir.

Höfuðborgarsvæðið sleppur sennilega við snjó, litlu munar þó s.s. í Hafnarfirði. En hvessir hins vegar í kvöld og þá fer létta mjöllin frá í morgun auðveldlega af stað.