Þau leiða lista Miðflokksins í Reykjanesbæ

Margrét Þórarinsdóttir félagsráðgjafi og flugfreyja leiðir lista Miðflokksins í Reykjanesbæ fyrir bæjarstjórnarkosningarnar þann 26. maí n.k. Annað sætið skipar Gunnar Felix Rúnarsson verslunarmaður og þriðja sætið skipar Linda María Guðmundsdóttir sölumaður og fjölmiðlafræðinemi.

Framboðslistinn er skipaður 11 konum og 11 körlum. Miðflokkurinn leggur áherslu á virkt íbúalýðræði. Að íbúarnir fái að segja sína skoðun í mikilvægum málum í beinum íbúakosningum. Má þar nefna; skipulagsmál, samgöngu- og gatnakerfi, skólamálum osfr.

„Bæjarfulltrúar í Reykjanesbæ hafa því miður tekið rangar ákvarðanir í stórum málum er varða alla íbúa bæjarins. Vinda þarf ofan af slíkum ákvörðunum með staðfestu og djörfung. Reykjanesbær er ört stækkandi bæjarfélag, sem stendur frammi fyrir miklum tækifærum en um leið áskorunum. Miðflokkurinn vill móta framtíð Reykjanesbæjar í fullu samráði við íbúana,“ segir í tilkynningu frá framboðinu.

Kosningaskrifstofan verður að Hafnargötu 60. Stefnuskrá flokksins verður kynnt við formlega opnun þann 12. maí nk.

Framboðslisti Miðflokksins í Reykjanesbæ fyrir bæjarstjórnarkosningar 26. maí 2018

1. Margrét Þórarinsdóttir, félagsráðgjafi og flugfreyja

2. Gunnar Felix Rúnarsson, verslunarmaður

3. Linda María Guðmundsdóttir, starfsm. Fríhafnarinnar og fjölmiðlafræðinemi

4. Davið Brár Unnarsson, flugmaður

5. Sigurjón Hafsteinsson, slökkviliðs- og sjúkraflutningamaður

6. Úlfar Guðmundsson, héraðsdómslögmaður

7. Annel Þorkelsson, lögregluvarðstjóri

8. Karen Guðmundsdóttir, flugvirkjanemi

9. Jón Már Sverrisson, vélfræðingur og rafvirki

10. Gunnar Andri Sigtryggsson, húsasmiður

11. Signý Ósk Marinósdóttir, þjónustufulltrúi